Zjarri shkrumbon banesat e 6 familjeve, banorët ishin në gjumë

23:02 | 22 Shtator 2018
Arbresh.info

Gjashtë familje rome kanë mbetur në qiell të hapur, pasi një zjarr i fuqishëm i rënë mëngjesin e së shtunës ka shkrumbuar barakat e tyre në hyrje të qytetit të Shkodrës tek zona e “By pass-it”.

Ngjarja ka ndodhur rreth orës 6:30 të mëngjesit, kur gjithë familjet kanë qenë në gjumë. Ata tregojnë se zjarri ka qenë i fuqishëm dhe kanë rrezikuar jetën.

Zjarri ka shkrumbuar gjithçka që ata kishin. Tani kanë mbetur pa strehë, pa të ardhura dhe pa dokumente të identifikimi, ata apelojnë për ndihmë nga shteti.

Pavarësisht se zjarrfikëset kanë luftuar me flakët nuk shpëtuan asnjë nga barakat e këtyre banorëve. Policia ndërkohë ka nisur hetimet për të zbuluar shkakun e kësaj ngjarje. /BalkanWeb

 

 

Shpërndaje në rrjete sociale

Lajmet më të lexuara

Të ngjashme

Foto lajm